ЦХИНВАЛ, 2 мар – Sputnik, Дзæгъиаты Олег. Хуссар Ирыстоны столицæйы ацыд тымбыл фынг "Уæрæсе æмæ Ирыстоны адæмты иудзинад: культурæты диалог нырыккон уавæрты".
Мадзал ацыд Анахарсисы номыл Республикон библиотекæйы æмæ дзы хайад райстой Хуссар Ирыстоны фæсарæйнаг хъуыддæгты министр Джиоты Æхсар, культурæйы министр Мамиты Григорий, Æхсæнадæмон змæлд "Аланты ныхас"-ы хуссарирыстойнаг хайады разамонæг Тыбылты Леонид, республикæйы зонадон æмæ культурон интеллигенцийы минæвæрттæ, афтæ ма Цæгат Ирыстоны делегаци.
Тымбыл фынджы райдианы паддзахады сæргълæууæджы уынаффæгæнæг Беджызаты Батрадз президент Гаглойты Аланы номæй раарфæ кодта æрæмбырдуæвджытæн.
"Ирыстонæн ис уникалон бынат уæрæсейаг цивилизацийы. Уæрæсейаг æмæ ирон адæмты æхсæн ис æрмæст историон бастдзинæдтæ ис, фæлæ ма иумæйаг культурон хæзнатæ дæр, уый та у фидар фундамент нæ паддзахæдты иудзинадæн", - дзырдæуы президенты ныхасы тексты.
Мадзалы рæстæджы хайадисджытæ бавдыстой дæс доклады бæрц.