ЦХИНВАЛ, 4 мар – Sputnik. Хуссар Ирыстоны президент Гаглойты Алан фембӕлд Уӕрӕсейы хицауады сӕрдары хӕдивӕг Александр Новакимӕ Мӕскуыйы, хъусын кӕны паддзахады сӕргълӕууӕджы пресс-службӕ.
Фембӕлды рӕстӕджы фарсытӕ ӕрдзырдтой 2023 азмӕ социалон-экономикон райрӕзты паддзахадон программӕйы реализацийыл, афтӕ ма ныры азмӕ Инвестпрограммӕйыл.
Паддзахады сӕргълӕууӕг ма банысан кодта пенсион ифтонгад ӕмӕ паддзахадон службӕгӕнджыты мыздтӕ фӕфылдӕр кӕныны фарстытӕ.
Уымӕй дарддӕр Гаглойты Алан ӕрдзырдта Александр Новакимӕ хуссарирыстойнаг куыстуӕтты продукцийы ӕрбаласты фӕтк фенцондӕр кӕныны мадзӕлттыл.