ЦХИНВАЛ, 5 мар — Sputnik. Цхинвалы экономикон фыдракæндты ныхмæ тохы фæдыл фæткдаруаты кусджытæ рейдон мадзæлтты рæстæджы сбæрæг кодтой фехæлдтæ æртæ базарадон объекты, хъусын кæны Хуссар Ирыстоны Мидхъуыддæгты министрад (МХМ).
Уагдоны куыд банысан кодтой, афтæмæй Цхинвалы дуканитæй иуы оперативон кусджытæ ссардтой æнæзакъонон энергетикон нозт.
Ноджы дыууæ базарадон объекты милицийы кусджытæ сбæрæг кодтой амалиуæгадон архайд æнæ паддзахадон лицензийæ.
Фæткхалджыты фæдыл сарæзтой административон æрмæджытæ æмæ сæ барвитдзысты Цхинвалы тæрхондонмæ, бафтыдтой министрады.