ЦХИНВАЛ, 5 мар – Sputnik. Хуссар Ирыстоны премьер-министр Тадтаты Дзамболат басгæрста дуруадзæн куыстуат ООО "Импульс-А"-йы куыст.
Компанийы гендиректор Коцты Эльбрус æмæ проекты инициатор Коцты Тадиозы ныхæстæм гæсгæ, заводы иудадзыг кусынц 60 адæймаджы, ноджы ма 15 адæймаджы кусынц сæхи техникæимæ, астæуккаг мызд та куыстуаты у 51 мин сомы.
"Ныртæккæ мах аразæм плитæтæ, фасадон æмæ интерьерон облицовкæ, брусчаткæ, бордюртæ, архитектурон эелементтæ æмæ ритуалон æрмæджытæ. Дур къахæм Хуссар Ирыстоны территорийыл. Æмрæстæджы агурæм ног фадгуытæ, цæмæй рацæрæх кæнæм нæ продукци", - хъусын кæны Коцты Тадиозы ныхæстæ хицауады пресс-службæ.
Компани 2026 азы фæнд кæны дарддæр рауæрæх кæнын рауагъдады гуырахст.