ЦХИНВАЛ, 11 мар— Sputnik. Хуссар Ирыстоны мидхъуыддӕгты министрады (МХМ) кусджытӕ агурынц Цхинвалы цӕрӕджы кардӕй чи ныццавта, уыцы нӕлгоймаджы, фехъусын кодтой уагдоны пресс-службӕйы.
Министрады информацимӕ гӕсгӕ, 10 марты изӕры радгӕсон хайадмӕ ӕрбацыд хъусинаг, Республикон бирӕпрофилон медицинон центры исӕн хайадмӕ кӕй ӕрбакодтой кардӕй цӕф ӕмбӕстаджы.
Фӕдагуырды-оперативон къорд сбӕлвырд кодта, цау кӕй ӕрцыд Герцены уынгыл. Конфликты рӕстӕджы нӕлгоймаг ныццавта йӕ оппоненты ӕмӕ фӕтары цауы бынатӕй.
Милицийы кусджытӕ сбӕрӕг кодтой, фыдракӕнд саразыны зӕрдӕхсайгӕ кӕй у республикӕйы 36-аздзыд ӕмбӕстаг.
Ныртӕккӕ Цхинвалы мидхъуыддӕгты хайады кусджытӕ ӕххӕст кӕнынц мадзӕлттӕ, цӕмӕй ссарой зӕрдӕхсайгӕйы.