ЦХИНВАЛ, 11 мар - Sputnik, Козаты Диана. Хуссар Ирыстоны президент Гаглойты Алан фехъусын кодта, кӕй хъӕуы уӕлдай хъусдард здахын республикӕйы хӕдбардзинад чи банымадта, уыцы бӕстӕтимӕ ахастытӕ райтынг кӕнынмӕ.
Хицауады рабадты рӕстӕджы паддзахады сӕргълӕууӕг радта ӕмбӕлон хӕслӕвӕрдтӕ ӕддагполитикон хаххыл.
"Уӕлдай хъусдард хъӕуы здахын республикӕйы хӕдбардзинад чи банымадта, уыцы бӕстӕтимӕ дипломатон ӕмӕ консулон ахастытӕ сфидар кӕнынмӕ", - загъта президент.
Президент ма радта ноджы иу хӕслӕвӕрд – иудадзыг куыст кӕнын уӕрӕсейаг коллегӕтимӕ, цӕмӕй рауӕрӕх кӕной интеграцион процесстӕ Уӕрӕсейы Федерациимӕ.