ЦХИНВАЛ, 12 мар – Sputnik, Тедеты Виктория. Хуссар Ирыстон апрелы ногæй хайад райсдзæн æхсæнадæмон акци "Сад памяти"-йы, фехъусын кодта Sputnik-æн Россотрудничествойы минæварады разамонæг республикæйы Сергей Комиссаров.
Сæйраг мадзал ацæудзæн 11 апрелы Хуыбылты Валерийы номыл парчы. Цытджын церемонимæ æрбаиу уыдзысты республикæйы къухдариуæгад æмæ Хуссар Ирыстоны Уæрæсейы минæварады кусджытæ.
"Акци нывонд у Стыр Фыдыбæстæйон хæсты хайадисджыты мысæнæн. Бæлæстæ садзгæйæ мах кад кæнæм уæлахиз нын чи æрхаста, уыцы фыдæлтæн. Ацы уæлахиз мах абоны бон хъахъхъæнæм сæрмагонд æфсæддон операцийы", - бахахх кодта Комиссаров.
Йæ ныхæстæм гæсгæ, мадзалы хайад райсыны фадат уыдзæн алкæмæндæр.
Цхинвалы ивгъуыд аз акци "Сад памяти"-йы фæлгæтты ныссагътой 50 тæгæры бæрц.