ЦХИНВАЛ, 12 мар — Sputnik, Тедеты Виктория. Хуссар Ирыстон фæнд кæны бахизын уæрæсейаг туристтæн иуыл комфортон здæхтыты нымæцмæ, банысан кодта РХИ базарадон минæвар Уæрæсейы Таймураз Гогинов туризм æмæ уазæгуарзондзинады инсдустрийы 32-æм æхсæнадæмон равдыст фæзуатыл.
Равдыст цæуы 11-13 марты "Крокус Экспо" Центры Мæскуыйы.
Таймураз Гогинов куыд радзырдта, афтæмæй ацы аз Хуссар Ирыстоны делегаци экономикон райрæзты министры хæдивæг Тъехты Альберты сæргълæудæй бабæрæг кодта равдыст, цæмæй раразмæ кæна республикæйы бренд æмæ æрбаздаха туристты.
Базарадон минæвары ныхæстæм гæсгæ, ныры рæзты бындур æвæрд æрцыд 2025 азы фыццаг æхсæнадæмон экономикон форумы, цы ран республикæ бафыста къорд бадзырды зындгонд уæрæсейаг туроператортимæ.
"Мах нысан кæнæм туристты нымæцы рæзт. Республикæмæ цæуынц уазджытæ æрмæст хæстæг регионтæй нæ, фæлæ ма Уæрæсейы дæрддзæф районтæй дæр", - банысан кодта Гогинов.
Таймураз Гогинов бафтыдта, зæгъгæ, ныры æхсæнадæмон уавæр хынцгæйæ Хуссар Ирыстоны нырма дæр у æнцонвадат æмæ æдас бынат уæрæсейæгтæн.