ЦХИНВАЛ, 13 мар — Sputnik. Хуссар Ирыстоны президент Гаглойты Алан Таможнæйы комитеты сæргълæууæг Цоциты Александримæ фембæлды рæстæджы æрдзырдта уагдоны уавæр æмæ райрæзты перспективæтыл, хъусын кæны паддзахады сæргълæууæджы пресс-службæ.
Комитеты разамонæг радзырдта президентæн структурæйы архайды хатдзæгты тыххæй æмæ дарддæры куысты сæйраг здæхтытыл. Уæлдай хъусдард здæхт уыд Хуссар Ирыстоны Таможнæйы комитеты æмæ Уæрæсейы Федералон таможнæйон службæйы æмархайдмæ.
"Афтæ ма дзырд цыд уагдоны кадрон ивындзинæдты тыххæй, кæцытæ здæхт сты профессионалон потенциал сфидар кæнынмæ", - банысан кодтой пресс-службæйы.
Гаглойты Алан бахахх кодта, ахсджиаг кæй у фæфылдæр кæнын службæйы престиж æмæ тажнæйон органты социалон хъахъхъæнынад. Президент бахæс кодта бакусын хицауадимæ кусджыты мыздтæ фæфылдæр кæныныл.