ЦХИНВАЛ, 13 мар – Sputnik, Дзӕгъиаты Олег. Ирон спортсменкӕ Танделаты Амина ахызт Европӕйы фыццагады финалмӕ хъӕбысхӕстӕй 24 азы кары онг фӕсивӕды ӕхсӕн Сербийы.
Танделаты Амина стох кӕндзӕн сыгъзӕрин майданыл 62 килограммы уӕзы категорийы. Финалы Аминайы ныхмӕлӕууӕг уыдзӕн азербайджанаг спортсменкӕ Рюзанна Маммадова.
Сыгъзӕрин майданыл тох ацӕудзӕн майрӕмбоны изӕры аст сахатӕй фӕстӕмӕ.