ЦХИНВАЛ, 25 мар – Sputnik, Дзӕгъиаты Олег. Фӕскавказы ӕдасдзинады фӕдыл Ӕхсӕнадӕмон дискусситы сӕйраг нысан у регионы ӕдасдзинад ӕмӕ стабилондзинад, фехъусын кодта Sputnik-ы брифингы рӕстӕджы Хуссар Ирыстоны президенты паддзахадон уынаффӕгӕнӕг, РХИ делегацийы сӕргълӕууӕг Женевӕйаг дискусситы Коцты Константин.
"Фыццаг алкӕмӕдӕр афтӕ каст, Женевӕйаг дискусситӕ уыййас азы кӕй нӕ цӕудзысты, фӕлӕ практикӕ куыд равдыста, афтӕмӕй ацы фӕзуат ссис ахсджиаг элемент ӕдасдзинад ӕмӕ стабилондзинады системӕйы. Уый у Женевӕйаг дискусситы сӕйраг нысан ӕмӕ уыимӕ разы сты ацы баныхасы ӕппӕт хайадисджытӕ", - банысан кодта Коцты Константин.
Президенты паддзахадон уынаффӕгӕнӕг бафтыдта, зӕгъгӕ, уӕззау ӕхсӕнадӕмон уавӕрмӕ ӕнӕкӕсгӕйӕ, Женевӕйаг дискусситы хайадисӕг фарсытӕ баныхасмӕ бавдыстой "бӕрзонд ӕмвӕзады официалон гоймӕгты".