ЦХИНВАЛ, 30 мар — Sputnik. Хуссарирыстойнаг спортсментӕ ӕнтыстджынӕй бацархайдтой рейтингон турниры уӕгъдибар хъӕбысхӕстӕй Мӕздӕджы 27-28 марты, хъусын кӕны фӕсивӕдон политикӕ ӕмӕ спорты комитеты пресс-службӕ.
Сыгъзӕрин майдан 22 килограммы уӕзы категорийы рамбылдта Къуезерты Азӕмӕт.
Турниры ӕвзист призер ссис Козаты Барсӕг 48 килограммы уӕзы категорийы.
Сӕ уӕзы категориты бронзӕ майдантӕ рамбылдтой Багаты Ацӕмӕз (41 кг), Хуыгаты Эмиль (44 кг), Плиты Арсалан (32 кг) ӕмӕ Плиты Алан (62 кг).
Спортсменты ерыстӕм бацӕттӕ кодтой тренертӕ Багаты Вадим, Хъесаты Петр, Плиты Руслан ӕмӕ Гӕджиты Марат.