ЦХИНВАЛ, 31 мар – Sputnik, Дзæгъиаты Олег. Хуссар Ирыстоны фæхуыдтой I Æппæтуæрæсейаг фестиваль "Встреча культур"-мæ. Уый тыххæй мыхуыр æмæ информацийы комитеты пресс-конференцийы рæстæджы фехъусын кодта РХИ культурæйы министр Мамиты Григорий.
"Ныртæккæ мах скъуыддзаг кæнæм, нæ коллективтæй чи ацæудзæн ацы фестивальмæ", - загъта министр.
Йæ ныхæстæм гæсгæ, Хуссар Ирыстон ма хайад райсдзæн сывæллæтты культурон форумы Мæскуыйы 20-22 августы.
Мамиты Григорий
© Sputnik / Михаил Авагимов
"Мах фæнд кæнæм арвитын ацы мадзалмæ Цхинвалы музыкалон скъолайы доулистты", - бахахх кодта министр.
Фыццаг Æппæтуæрæсейаг фестиваль "Встреча культур" ацæудзæн музей-заповедник "Херсонес Таврический"-ы территорийыл 27-31 майы.