ЦХИНВАЛ, 1 апр – Sputnik, Дзӕгъиаты Олег. Хуссар Ирыстоны ӕртыццӕджы ацыд биографион уацмысты президентон конкурс "Три столетия ратной славы воинов Южной Осетии"-ы организацион комитеты фыццаг рабадт.
Уынаффӕйы ӕмбырд ацыд паддзахады сӕргълӕууӕг Гаглойты Аланы къухдариуӕгады бын ӕмӕ дзы хайад райстой хъахъхъӕнынады министр Юрий Яровицкий, культурӕйы министр Мамиты Григорий, ахуырад ӕмӕ зонады министр Плиты Римма ӕмӕ ӕндӕр официалон гоймӕгтӕ.
"Мах ӕмбарӕм, куыд ахсджиаг у хъахъхъӕнын историон мысынад ӕмӕ ӕрбаздахын рæзгæ фæлтæры ацы процессмæ. Абоны реалитæ хынцгæйæ иумæйаг историйы хъахъхъæнынадæн ис ахсджиаг нысаниуæг", - загъта президент.
Гаглойты Алан ма бахахх кодта, историон рæстдзинад бахъахъхъæнынæн хъæуы архайын иумæйаг тыхтæй.
Конкурсæн хатдзæгтæ скæндзысты 15 майы – Ирон æвзаг æмæ литературæйы бон.