ЦХИНВАЛ, 1 апр — Sputnik. Хуссар Ирыстоны хицауады æртыццæджы уынаффæйы æмбырды рæстæджы рахицæн кодта йæ фæсауæрцон фондæй æхцайы фæрæзтæ автобусты цалцæг æмæ æрбаластæн.
Культурæйы министрад рахицæн кодта 582 мин сомы автобусы цалцæгæн. Ацы транспортон фæрæзæй министрадæй дарддæр пайда кæнынц æндæр организацитæ дæр сæ балцыты рæстæджы.
Уымæй дарддæр транспорты комитетæн рахицæн кодтой 1 милуан 360 мин сомы, цæмæй республикæйæн цы фондз автобусы балæвар кодтой, уыдон æрласой Санкт-Петербургæй.