ЦХИНВАЛ, 2 апр – Sputnik. Паддзахады сæргълæууæг Гаглойты Алан ныххæццæ Абхазмæ. Уым бацархайдзæн æхсæнадæмон экономикон форумы, хъусын кæны президенты пресс-службæ.
Нæ делегацийыл сæмбæлдысты Абхазы Хуссар Ирыстоны уæлвæткон æмæ æххæстбарджын минæвар Астамур Кация, фæсарæйнаг хъуыддæгты министр Олег Барциц, Адæмон æмбырды сæрдар Лаша Ашуба, юстицийы министр Анри Барциц, афтæ ма депутаттæ Бадрик Пилия, Тимур Бейя, Тимур Шергелия æмæ Галуст Трапизонян. Лаша Ашуба куыд загъта, афтæмæй Хуссар Ирыстоны делегаци æрхæццæ фыццæгты `хсæн æмæ бузныг загъта Гаглойты Аланæн, ацы бонты нæ республикæ Абхазы фарсмæ кæй ис, уый тыххæй.