ЦХИНВАЛ, 7 апр – Sputnik, Дзӕгъиаты Олег. Хуссар Ирыстоны тагъд рӕстӕджы бакӕндзысты коррекцион скъола ӕмӕ медико-психологон центр низӕфхӕрд сабиты ӕххуысӕн. Уый тыххӕй мыхуыр ӕмӕ информацийы комитеты пресс-конференцийы рӕстӕджы фехъусын кодта республикӕйы ахуырад ӕмӕ зонады министр Плиты Римма.
"Хъыгагӕн, абоны бон Хуссар Ирыстоны ис 80 низӕфхӕрд сывӕллоны. Кӕй зӕгъын ӕй хъӕуы, уыдонимӕ цӕуы иудадзыг куыст. Фӕлӕ коррекцион скъола ӕмӕ медико-психологон центры арӕзтад абон у тынг актуалон", - банысан кодта министр.
Плиты Римма нӕ банысан кодта ацы уагдӕтты арӕзтады дырыс ӕмгъуыд, фӕлӕ бахахх кодта, чи дзы куса, уыцы специалисттӕ республикӕйы ныридӕгӕн кӕй ис.