ЦХИНВАЛ, 7 апр – Sputnik, Дзӕгъиаты Олег. Хуссар Ирыстоны нӕ фаг кӕнынц ахуыргӕнджытӕ ахӕм предметтӕй, куыд математика, уырыссаг ӕвзаг ӕмӕ физикӕ. Уый тыххӕй мыхуыр ӕмӕ информацийы комитеты пресс-конференцийы рӕстӕджы фехъусын кодта республикӕйы ахуырад ӕмӕ зонады министр Плиты Римма.
"Уӕлдай тынгдӕр ацы проблемӕ ис хъӕуты скъолаты. Хъыгагӕн, министрадӕн фадат нӕй ӕрбаздахын хъӕутӕм фаг ахуыргӕнджыты", - загъта министр.
Хуссар Ирыстоны хъӕуты скъолаты ацы проблемӕ кӕй ис, уый сӕйраг аххосаг у бирӕ ахуыргӕнджыты республикӕйы районты кӕй нӕ фӕнды кусын, уый, бафтыдта Плиты Римма.