ЦХИНВАЛ, 8 апр — Sputnik. Цхинвалы 17 ӕмӕ 18-аздзыд цӕрджытӕ фӕхъӕстӕ сты газӕй Мамсыраты Хадзы-Умары уынгыл бирӕфатерон хӕдзӕрттӕй иуы, фехъусын кодта Хуссар Ирыстоны Уӕлвӕткон уавӕрты министрад (УУМ).
Зианбаййафджыты фӕхӕццӕ кодтой Республикон бирӕпрофилон медицинон центрмӕ.
"Лӕппуты цардӕн ницы тас ис, дохтыртӕ сын бакодтой ӕнӕмӕнгхъӕугӕ медицинон ӕххуыс", - банысан кодтой министрады.
Цауы ӕууӕлтӕ бӕрӕг кӕнынц специалисттӕ, бафтыдтой уагдоны.