ЦХИНВАЛ, 8 апр — Sputnik. "Уæрæсейы адæмты иудзинад", зæгъгæ, ахæм культурон-рухсадон проектмæ гæсгæ хæрзаудæн фонд "Пир" аразы конкурс. Уырдæм хонынц нæ республикæйы минæвæртты дæр, хъусын кæны Хуссар Ирыстоны культурæйы министрад.
Проект æххæст кæнынц Цæгат Ирыстоны. Йæ сæйраг хæс у Нарты эпос популяризаци кæнын, афтæ ма æрыгон фæлтæры сфæлдыстадон куыстæн ахъаз кæнын. Бацархайыны бар ис куыд скъоладзаутæн, афтæ студентæн дæр, æвзонг нывгæнджытæн æмæ дизайнертæн, сфæлдыстадон коллективтæн.
Курдиæттæ исдзысты 26 апрелмæ. Уæлахиздзауты хорзæхджын кæнынц июны, Кавказаг Модæйы къуырийы фæлгæты.