ЦХИНВАЛ, 15 апр - Sputnik. Хуссар Ирыстон президент Гаглойты Алан æрдзырдта Цæгат Кавказы хæххон-металлургон институты ректор Хъамболты Дзамболатимæ бæрзонд квалификациимæ кадртæ цæттæ кæныныл, хъусын кæны паддзахады сæргълæууæджы пресс-службæ.
Фембæлды ма хайад райстой ХИПУ-йы ректор Тедеты Вадим æмæ цæгатирыстойнаг институты проректор æхсæнадæмон бастдзинæдты фæдыл Нина Орлова.
"Абоны бон 200-йæ фылдæр хуссарирыстойнаг студенты ахуыр кæнынц Цæгат Кавказы хæххон-металлургон институты. Мах семæ арæх фембæлæм, æмæ уыдон банысан кæнынц хъарм ахаст ахуыргæнджыты рдыгæй", - загъта президент.
Цæгат Кавказы хæххон-металлургон институты ректор Хъамболты Дзамболат фехъусын кодта, бæрзонд æмвæзадыл кæй ис æмархайд ХИПУ æмæ республикæйы ахуырады министрадимæ.