ЦХИНВАЛ, 16 апр - Sputnik. Хуссар Ирыстоны майрӕмбоны, 17 апрелы, ацӕудзӕн егъау ӕппӕтреспубликон зиу президент Гаглойты Аланы фӕдзӕхстӕй, фехъусын кодта паддзахады пресс-секретарь Босыкты Наталья.
"Мадзалы сӕйраг нысан у бафснайын ӕмӕ хӕрзарӕзт скӕнын цӕрӕн пункттӕ. Уӕлдай хъусдард здӕхт уыдзӕн улӕфӕн зонӕтӕм, парктӕм ӕмӕ аллейтӕм, афтӕ ма историон ӕмӕ мемориалон нысаниуӕджы бынӕттӕм", - загъта пресс-секретарь.
Акцийы хайад исдзысты министрӕдтӕ ӕмӕ уагдӕтты кусджытӕ, ӕхсӕнадон организациты минӕвӕрттӕ, студенттӕ ӕмӕ активон граждайнаг позици кӕй фӕнды равдисын, уыдон.