ЦХИНВАЛ, 17 апр — Sputnik, Тедеты Виктория. Хуссар Ирыстоны президент Гаглойты Аланы фæдзæхстæй майрæмбоны ацыд егъау зиу. Паддзахады сæргълæууæг йæхæдæг дæр хайад райста акцийы, хъусын кæны президенты пресс-службæ.
Гаглойты Алан йæ администрацийы кусджытимæ æмæ ХИПУ-йы студенттимæ хайад райста Тулдзы къохы территори æфснайыны.
Республикæйы территори бафснайыны егъау акцийы хайад райстой министрæдтæ æмæ уагдæтты кусджытæ, æхсæнадон организациты минæвæрттæ æмæ активон æмбæстæгтæ.
Æппæтреспубликон зиуы фæлгæтты Хъахъхъæнынады министрад сорганизаци кодта быдырон къæбиц акцийы хайадисджытæн. Быдырон къæбицмæ бацыд президент Гаглойты Алан дæр.