ЦХИНВАЛ, 17 апр — Sputnik, Тедеты Виктория. Цхинвалы музыкалон ахуыргæнæндоны цыппæрæмы ацыд номдзыд композитор Æлборты Феликсы 90 азы юбилейæн нывонд концерт.
Мадзалы организатортæ банысан кодтой, Æлборты Феликсы æцæг уарзт кæй кодтой Ирыстоны.
Концерты хайад райстой Æлборты Феликсы номыл Цхинвалы паддзахадон музыкалон ахуыргæнæндоны хор, РХИ президенты цур паддзахадон нæлгоймæгты хор, афтæ ма Адæмон инструментты оркестр.
Сценæйыл айзæлдысты Ирыстоны номдзыд композиторты уацмыстæ: Æлборты Феликсы, Хаханты Дудары, Плиты Мурæты, Галаты Борисы æмæ æндæрты.