ЦХИНВАЛ, 21 апр — Sputnik. Абхазы парламент дыццӕджы ратификаци скодта республикӕ ӕмӕ Хуссар Ирыстоны ӕхсӕн бадзырд базарады фӕдыл.
Бадзырд бафыстӕуыд Цхинвалы I Ӕхсӕнадӕмон экономикон форумы фӕлгӕтты 2025 азы 20 сентябры ӕмӕ здӕхт у республикӕты ӕхсӕн базарадон-экономикон ӕмгуыстад райтынг кӕнынмӕ.
Документмӕ гӕсгӕ, Абхаз ӕмӕ Хуссар Ирыстон нӕ исдзысты кӕрӕдзийӕ таможнӕйон хъалонтӕ.
Хуссар Ирыстоны бадзырд ратификаци скодтой ивгъуыд аз декабры.