ЦХИНВАЛ, 23 апр — Sputnik. Хуссар Ирыстоны Цхинвалы районы Ортъеуы хъӕуы фӕуд кӕны Стыр Фыдыбӕстӕйон хӕсты Хъайтар Цоциты Василийы бюсты арӕзтад. Цыртдзӕвӕн ӕвӕрд уыдзӕн кувӕндонмӕ фӕндаггӕрон.
Куысты автор у Хуссар Ирыстоны Адӕмон нывгӕнӕг Цхуырбаты Тамерлан. Куыстытӕ фӕнд кӕнынц балхынцъ кӕнын иу мӕймӕ.
Проект реализаци цӕуы программӕ "Рамбылдтам иумӕ"-йы фӕлгӕтты уӕрӕсейаг фондты ӕххуысӕй.
Цоциты Василий сӕххӕст кодта 148 хӕстон атахты Стыр Фыдыбӕстӕйон хӕсты рӕстӕджы.