ЦХИНВАЛ, 24 апр – Sputnik, Дзӕгъиаты Олег. Хуссар Ирыстон майрӕмбоны ногӕй ӕрбаиу ӕхсӕнадӕмон патриотикон акци "Уӕлахизы Диктант"-мӕ. Мадзал нывонд у Стыр Фыдыбӕстӕйон хӕсты Уӕлахизы 81-ӕм афӕдзы бонӕн.
Ацы аз акци цӕуы ӕхсӕз фӕзуаты – ХИПУ-йы, гимнази "Альбион"-ы, столицӕйы ӕхсӕзӕм астӕуккаг скъолайы, Ленингоры гом ахуырады центры, Уырыссаг хӕдзары Цхинвалы ӕмӕ сывӕллӕтты сфӕлдыстады Галуаны. Мадзалы хайад исынц республикӕйы 200 цӕрӕджы бӕрц.
Диктанты уӕлахиздзаутӕ хайад райсдзысты ахуырадон-рухстауӕн балцы Уӕрӕсемӕ "Здравствуй, Россия – 2026" программӕйы фӕлгӕтты.