ЦХИНВАЛ, 28 апр – Sputnik, Дзӕгъиаты Олег. Хуссар Ирыстон райсдзӕн квотӕтӕ ахӕм здӕхтытӕм, куыд "театры режиссура" ӕмӕ "реставраци", фехъусын кодта республикӕйы культурӕйы министр Мамиты Григорий.
Йӕ ныхӕстӕм гӕсгӕ, Хуссар Ирыстоны тынг хъӕуынц ахӕм дӕсниӕдтӕ, куыд театралон режиссер ӕмӕ реставратор.
"Мӕ хъуыдымӕ гӕсгӕ, нӕ республикӕйы, фыццаджыдӕр, хъӕуы цӕст ӕрдарын цы здӕхтыты нӕм нӕй специалисттӕ, уыдонмӕ", - банысан кодта министр.
Мамиты Григорий бахахх кодта, зӕгъгӕ, культурӕйы министрад ӕххӕст кӕндзӕн ӕмбӕлон куыст ӕмӕ фылдӕр хъусдард ӕрбаздахдзӕн ахӕм дӕсниӕдтӕм.