ЦХИНВАЛ, 4 май - Sputnik. Хуссар Ирыстоны ивгъуыд къуыри милици регистраци скодта иу фыдракӕнд, хъусын кӕны республикӕйы Мидхъуыддӕгты министрады (МХМ) пресс-службӕ.
Уымӕй дарддӕр ӕхсӕнадон фӕтк фехалыны тыххӕй ӕрцахстой иу адӕймаджы.
"Иу къуыримӕ республикӕйы фӕндӕгтыл ӕрцыд дыууӕ фӕндагон-транспортон цауы, авариты фӕстиуӕгӕн буары цӕфтӕ райста иу адӕймаг", - дзырдӕуы хъусинаджы.
Министрады бафтыдтой, зӕгъгӕ, Паддзахадон автоинспекцийы кусджытӕ ивгъуыд къуыри сбӕрӕг кодтой фӕндагон змӕлды 228 фӕткхалды, ӕхсӕз шофыры фӕдыл сарӕзтӕуыд административон протоколтӕ автотранспорт нозтджынӕй скъӕрыны тыххӕй.