ЦХИНВАЛ, 4 май — Sputnik, Плиты Фатимæ. Цхинвалы ацæудзæн æхсæнадæмон турнир шахматтæй Стыр Фыдыбæстæйон хæсты Уæлахизы 81-æм афæдзы боны цытæн. Уый тыххæй Sputnik-æн фехъусын кодта Хуссар Ирыстоны шахматты федерацийы президент Саулохты Георгий.
Йæ ныхæстæм гæсгæ, ерысты хайад райсдзысты 40 шахматисты бæрц.
"Уый уыдзæн Стыр уæлахизы цытæн егъау турнир. Хайад райсынмæ фæхуыдтам хъазджыты Хуссар æмæ Цæгат Ирыстонæй, афтæ ма Донецкы Адæмон Республикæйæ", - загъта Федерацийы президент.
Саулохты Георгий бахахх кодта, турниры хайад кæй райсдзысты бæрзонд æмвæзады шахматисттæ.
"Ерысты хайад райсдзысты Хуссар æмæ Цæгат Ирыстоны тыхджындæр шахматисттæ. Сæйраг фаворит у ивгъуыд азы уæлахиздзау – Богъаты Хетæг. Уый у Уæрæсейы иуыл перспективондæр æвзонг шахматисттæй иу: Цæгат Ирыстоны бирæ хатты уæлахиздзау, ЦКФЗ фыццагады уæлахиздзау æмæ Уæрæсейы хуссары чемпион", - бафтыдта федерацийы президент.
Турниры организатор у республикæйы шахматты федераци Россотрудничество æмæ ХИПУ-йы æххуысæй.
Турнир ацуæдзæн ХИПУ-йы шахматты клубы 10 майы.