ЦХИНВАЛ, 7 мая – Sputnik. Хуссар Ирыстоны президент Гаглойты Алан Уæрæсейы президент Владимир Путины æрхуындæй æрцыд Мæскуымæ, цæмæй хайад райса Стыр Уæлахизы цытæн мадзæлтты.
Уый тыххæй фехъусын кодта паддзахады сæргълæууæджы пресс-секретарь Босыкты Наталья.
"Гаглойты Алан йæ балцы фæлгæтты хайад райсдзæн Уæлахизы боны цытæн мысæн æмæ официалон мадзæлтты. Бæрæгбонон мадзæлтты размæ президентæн ацæудзæн къорд кусæгон фембæлды", - банысан кодта пресс-секретарь.
Стыр Фыдыбæстæйон хæсты Уæлахизы 81-æм афæдзыбоны цытæн æфсæддон парад ацæудзæн 9 майы Мæскуыйы Сырх фæзуатыл.