ЦХИНВАЛ, 8 май – Sputnik, Дзæгъиаты Олег. Ирон спортсменкæтæ Болатты Малита æмæ Айдарты Оксана бахызтысты Уæрæсейы националон командæйы скондмæ æмæ хайад райсдзысты Европæйы фыццагады хъæбысхæстæй 18 азы онг кары æрыгæтты æхсæн Болгарийы.
Болатты Малита тох кæндзæн турниры майдантыл 53 кг уæзы категорийы, Айдарты Оксана та 61 кг уæзы категорийы. Дыууæ ирон чызг дæр сты Уæрæсейы архайгæ чемпионкæтæ хъæбысхæстæй.
Европæйы фыццагад хъæбысхæстæй цæудзæн Болгарийы 13-15 майы. Турнир æрæмбырд кæндзæн хуыздæр æвзонг спортсменкæты Европæйы бæстæтæй.