08:20 09 ЦЫППУРСЫ МÆЙ 2019
Комкоммӕ эфир
  • EUR70.76
  • USD63.72
Хуссар Иры рабæрæг кодтой хуыздæр æрыгон актерты

Хуссар Иры рабæрæг кодтой хуыздæр æрыгон актерты

© Sputnik / Фатима Плиева
Культурӕ
Чысыл дӕнцӕг
18 0 0

Фестиваль "Весь мир — театр"-ы сæ спектакльтæ равдыстой Знауыр, Хуыцъе, Дменис, Киров æмæ Цхинвалы фарастæм скъолаты сфæлдыстадон къордтæ

ЦХИНВАЛ, 26 ноя - Sputnik, Плиты Фатимæ. Цхинвалы рабæрæг кодтой хуыздæр æрыгон артистты Хæдахуыр коллективты III республикон театралон фестиваль "Весь мир — театр"-ы фæлгæтты.

Конкурс цыд дыууæ боны дæргъы, жюрийы æркастмæ раразмæ кодтой фондз спектаклы. Фестиваль "Весь мир — театр"-ы архайдтой Знауыр, Хуыцъе, Дменис, Киров æмæ Цхинвалы фарастæм скъолайы сфæлдыстадон къордтæ.

Фестивалы мини-спектакльтæн аргъ кодтой РАСЦ хистæр Гуыцмæзты Эльза, культурæйы министры хæдивæг Дзеранты Джульетта æмæ адæмон артист Гуыцмæзты Георгий. Жюрийы фæндонмæ гæсгæ, хуыздæр актерон куыстыл нымад æрцыд Дзауы районы Кировы астæуккаг скъолайы ахуырдзау Джиоты Къостайы фæлгонц мини-спектакль "Гацыры хабæрттæ"-йы, хуыздæр режиссурæйы приз райста фарастæм скъолайы труппæ сæ къухдариуæггæнæг Битеты Миленаимæ, хуыздæр спектаклыл та нымад æрцыд "Фатима" Хуыцъейы скъолайы коллективы æххæстæй.

"Сæ куысты хатдзæг – стыр хъæбатырдзинад, цы уавæрты кусынц хъæууон клубты, уый хынцгæйæ. Бузныг, чи архайдта æмæ чи æрæмбырд кодта адæмы, уыдонæн", — загъта Гуыцмæзты Георгий.

Хæдахуыр коллективты III республикон театралон фестиваль "Весь мир — театр" цæуы ахуырады министрады монон-фæткæвæрдон нывæзты фæлгæтты.

Третий фестиваль-конкурс любительских театров
© Sputnik / Фатима Плиева
Хуссар Иры рабæрæг кодтой хуыздæр æрыгон актерты

Сӕйраг темӕтӕ