22:17 18 РУХÆНЫ МÆЙ 2020
Комкоммӕ эфир
  • EUR88.96
  • USD75.03
Мультимедиа

Аншлаг "Чермены": "Ты супер!"-ы стъалытӕ ӕрӕмбырд кодтой йедзаг зал

Чысыл дӕнцӕг
2411
© Sputnik . Руслан Тадтаев

Концерт ПККЗ "Чермен"-ы æрæмбырд кодта аншлаг, æрыгон курдиæтты ралæуд иу сæдæгай сценæмæкæсджытæй иуы дæр нæ ныууагъта уазалзæрдæйæ

Проект "Ты супер!"-ы хайадисджытæ ӕрцыдыты Цхинвалмӕ. Адæм гуылф кодтой сӕ концертмӕ "Чермен"-мӕ, цæмæй сæхи цæстæй фенон чысыл стъалыты, кæцыты æхсæн уыд не ′мзæххон, цхинвайлаг скъола-интернаты хъомылгæнинаг Гæбæраты Арина.

Концерт бакодта хореографион скъола "Кафт" традицион националон кафтæй. Ансамблы номыры фæстæ сценæмæ рахызт проекты иууыл чысылдæр хайадисæг — авдаздзыд Татьяна Дузенко. Йæ артистон бæрæггæнæнтæй æмæ зæрдæмæхъаргæ хъæлæсæй уый иу концертдзауы дæр нæ ныууагъта уазалзæрдæйæ, кæцытæ нæ лæууыдысты къухæмдзæгъд кæнынæй. Йемыдзаг залы уыдысты, цыппар мæйы дæргъы йæ хъус чи дардта проектмæ æмæ сывæллæтты фарс чи хæцыд, уыдон.

Сывæллæттæн концерты тыххæй бузныг зæгъынмæ æмæ сывæллæтты хъахъхъæнынады боны цытæн арфæ ракæнынмæ концертмæ æрбацыд бæстæйы хицауад дæр премьер Пухаты Эрикы сæргълæудæй. Уый загъта бузныг сывæллæттæн, сæ хæстæджытæ æмæ хъомылгæнинæгтæн сæ балцы тыххæй Хуссар Ирыстонмæ æмæ сæ концерты тыххæй, йæ цæст сын бауарзта æнтыстытæ сæ архайды.

Концертдзаутæ нæ тындзыдтой сæ хæдзæрттæм коцерты фæстæ. Сывæллæттæ æмæ сæ ныййарджытæ истой къамтæ проекты хайадисджытимæ, цæмæй сын баззайой æхцондзинадхæссæг мысинæгтæ ацы рæстæгæй.

Концерты организатор уыд Ахуырады министрад Хуссар Ирыстоны президенты æххуысæй.

Ноджы видеотæ

Сӕйраг темӕтӕ