Театры актертӕ, уазджытӕ, кӕцытӕ ӕрцыдысты бӕрӕгбонон цаумӕ, рацыдысты сырх гауызыл, кӕцы ӕрӕвӕрдтой Хуссар Ирыстоны столицӕйы сӕйраг фӕзуатыл.
Хуссар Ирыстоны цыппӕрӕмы сӕххӕст ис Паддзахадон драмон театры бӕрӕгбонон баконд.
Бӕрӕгбонмӕ республикӕмӕ ӕрцыдысты уазджытӕ Цӕгат Кавказы театртӕй, аивады зындгонд архайджытӕ. Сырх лентӕ алыг кодтой президент Бибылты Анатолий, хицауады сӕрдар Пухаты Эрик ӕмӕ адӕмон артисткӕтӕ Галуанты Людмила ӕмӕ Гугкаты Эвелина.
Баконды рӕстӕджы сӕххӕст ис рухсон-музыкалон шоу, равдыстой ног сценӕйы фӕрӕзтӕ.
Артисттӕ ӕмӕ кӕсджытӕ ссардтой фӕмард актерты рухс нӕмттӕ.
Бӕрӕгбоны цытӕн актертӕн раарфӕ кодта президент Бибылты Анатолий ӕмӕ Цӕгат Кавказы театртӕй уазджытӕ. Хуссарирыстойнаг театры аивдон къухдариуӕггӕнӕг Дзудцаты Тамерлан фехъусын кодта, иннӕ аз республикӕйы ацӕудзӕн фестиваль "Кавказский дом" ӕмӕ ног театралон сезон та райдайдзӕн октябры Хетӕгкаты Къостайы пьессӕ "Фатима"-йӕ.
