Проект "Ты супер!"-ы хайадисджытæ равдыстой сæ курдиат Цхинвалы

© Sputnik / Наталья АйриянНаграждение победителей конкурса "Первая четверть"
Награждение победителей конкурса Первая четверть - Sputnik Хуссар Ирыстон
Рафыссын
Концерт ПККЗ "Чермен"-ы æрæмбырд кодта аншлаг, æрыгон курдиæтты ралæуд сæдæгай сценæмæкæсджытæй иуы дæр нæ ныууагъта уазалзæрдæйæ

ЦХИНВАЛ, 1 июн — Sputnik, Босыкты Наталья. Проект "Ты супер!"-ы хайадисджытæ æрæмбырд кодтой Цхинвалы йедзаг зал. Адæм гуылф кодтой, цæмæй сæхи цæстæй фенон чысыл стъалыты, кæцыты æхсæн уыд не ′мзæххон, цхинвайлаг скъола-интернаты хъомылгæнинаг Гæбæраты Арина.

Как в Цхинвале болели за участницу из Южной Осетии на проекте Ты супер! - Sputnik Хуссар Ирыстон
Куыд хæцыдысты Цхинвалы хуссарирыстойнаг хайадисæджы фарс проект "Ты супер!"-ы

Ӕхсæнадæмон информацион агентад Sputnik æмæ НТВ-ы проект "Ты супер!" æрбангом кодта 92 æрыгон вокалисты — сывӕллӕтты хӕдзӕртты ӕмӕ скъола-интернатты хъомылгӕнинӕгты, афтӕ ма сывӕллӕтты сидзӕрхӕссӕг бинонтӕй Уæрæсе, Абхаз, Азербайджан, Сомихстон, Беларусь, Гуырдзыстон, Казахстан, Кыргызстан, Молдова, Украинæ, Эстони æмæ Хуссар Ирыстонæй. Конкурсы финал уагъд æрцыд 27 майы, музыкалон ерысты уæлахиздзау ссис 12-аздзыд Валерия Адлейба Абхазæй.

ПККЗ "Чермен"-ы концерт бакодта хореографион скъола "Кафт" традицион националон кафтæй. Ансамблы номыры фæстæ сценæмæ рахызт проекты иууыл чысылдæр хайадисæг — авдаздзыд Татьяна Дузенко. Йæ артистон бæрæггæнæнтæй æмæ зæрдæмæхъаргæ хъæлæсæй уый иу концертдзауы дæр нæ ныууагъта уазалзæрдæйæ, кæцытæ нæ лæууыдысты къухæмдзæгъд кæнынæй. Йемыдзаг залы уыдысты, цыппар мæйы дæргъы йæ хъус чи дардта проектмæ æмæ сывæллæтты фарс чи хæцыд, уыдон.

Цхинвалы цæрæг Ингайы ныхæстæм гæсгæ, ацы сывæллæттæй цæуы цавæрдæр хъармдзинад æмæ хæрзиуæг, сæ зæрдæмæхъаргæ вокал та агайы зæрдæйы тæгтæ.

"Проекты райдианæй фæстæмæ æнæхъæн бинонтæй дарæм нæ хъус сывæллæтты архайдмæ, нæ зæрдæ сыл рыстис. Курдиатæй дарддæр ма, уыдоны ис уæлдай хъармдзинад æмæ хорздзинад, се 'ргомзæрдæйæ алкæцы адæймаджы зæрдæ дæр балхæнынц. Тынг мæ фæнды æмæ дарддæр дæр семæ нæ бастдзинад куы нæ фесафиккам", — загъта Инга.

Ты супер!-ы фæскулисты: Гæбæраты Арина акафыд Хонгæ - Sputnik Хуссар Ирыстон
"Ты супер!"-ы фæскулисты: Гæбæраты Арина акафыд Хонгæ

Сывæллæттæн концерты тыххæй бузныг зæгъынмæ æмæ сывæллæтты хъахъхъæнынады боны цытæн арфæ ракæнынмæ концертмæ æрбацыд бæстæйы хицауад дæр премьер Пухаты Эрикы сæргълæудæй. Уый загъта бузныг сывæллæттæн, сæ хæстæджытæ æмæ хъомылгæнинæгтæн сæ балцы тыххæй Хуссар Ирыстонмæ æмæ сæ концерты тыххæй, йæ цæст сын бауарзта æнтыстытæ сæ архайды.

Хуссар Ирыстоны ахуырады министр Гасситы Натали дæр дзырдта цины æмæ бузныджы ныхæстæ æрыгон курдиæттæн æмæ сæ алкæмæн дæр йæ цæст бауарзта, цæмæй сæ алчидæр ссара бинонтæ.

"Уыдон сты уникалон, хъарм æмæ æргомзæрдæ сывæллæттæ. Ахæм сывæллæттæ сты дунейы бындур. Нæ дызæрдыг кæнын, сæ цард кæй ацæудзæн иттæг хорз, уыдзысты амондджын, Хуссар Ирыстоны та сæм æнхъæлмæ кæсдзысты кæддæриддæр", — загъта Гасситы Натали.

Проекты хайадисæг Богдан Козлов уыд Цхинвалмæ балцæй тæлмæнты бын, йæ цæрджыты уазæгуарзондзинадæй æмæ дзырд радта, æнææмæнгæй кæй æрыздæхдзæн ардæм искуы.

Генеральный продюсер НТВ Тимур Вайнштейн - Sputnik Хуссар Ирыстон
Шоу "Ты супер!"-ы хайадисджытӕн уыдзӕн фадат "Евровидение"-йы хайад райсын

"Бирæтæ ардыгæй ацæудзысты сæ хæдзæрттæм, æз та фæнд кæнын "Артек"-мæ ацæуын, цы ран æнæмæнгæй базонгæ уыдзæн искæимæ. Мæ зæрдæмæ афтæ тынг фæцыд ам, афтæ хорз ныл сæмбæлдысты æмæ æз æнæмæнгæй æрыздæхдзæн ардæм. Нæ фесафдзыстæм нæ бастдзинад", — загъта Богдан.

Проекты алы хайадисæгæн дæр бакодтой чысыл лæвæрттæ.

Концертдзаутæ нæ тындзыдтой сæ хæдзæрттæм, сывæллæттæ æмæ сæ ныййарджытæ истой къамтæ проекты хайадисджытимæ, цæмæй сын баззайой æхцондзинадхæссæг мысинæгтæ ацы рæстæгæй.

Концерты организатор уыд Ахуырады министрад Хуссар Ирыстоны президенты æххуысæй.

Ног хабӕртты лентӕ
0