14:17 21 РУХÆНЫ МÆЙ 2019
Комкоммӕ эфир
  • EUR70.60
  • USD63.85
Хъæрмæдон

Ирон æмæ индиаг ахуыргæндтæ иртасдзысты Хъæрмæдоны цъитийы уавæр

© Sputnik / Казбек Басаев
Ног хабӕрттӕ
Чысыл дӕнцӕг
34 0 0

Дыууæ бæстæйы ахуыргæндттæн иртасæн куыстæн æвзæрст æрцыд Хъазбеджы вулканы центр "Кармадонский параметрический полигон"-ы фæзуат

ЦХИНВАЛ, 12 сен — Sputnik, Плиты Фатимæ. Уæрæсейы зонæдты академийы Дзæуджыхъæуккаг зонадон центры ахуыргæндтæ сæ индиаг коллегæтимæ æввахс æртæ азы кусдзысты дыууæ бæстæйы хæххон территориты тæссаг геологон процессты рагфæдзæхстыл. Ахуыргæндты цæстадары бын уыдзæн Хъæрмæдоны уавæр дæр, фехъусын кодта Sputnik центры директоры хæстæ рæстæгмæ æххæстгæнæг Цыбырты Алексей.

Хъæрмæдоны комы 2002 азы цъитийы зæйы рацыды фæстиугæн бабын ис 100 адæймаджы, се ʻхсæн фильм "Связной"-ы исæн къорд Сергей Бодровы сæргълæудæй. Ахуыргонды хъуыдымæ гæсгæ, бæллæхы агъоммæ Хъæрмæдоны иртасæн куыст куы цыдаид, уæд, гæнæн ис, фыбылызæй дæр бафæдзæхстаиккой æмæ не ʻрцыдаид.

"Иртасæн куыстæн Уæрæсейы æвзæрст æрцыд Хъазбеджы вулканы центр "Кармадонский параметрический полигон", кæцыйы хицæн кæнынц тæссаг мидæггагон æмæ æддагон геологион процестæ. Проекттæ здæхт сты уавæр мниторинг кæнынмæ, зæххæнкъуыстытæ æмæ мæры ивындзинæдтæ иртасынмæ. Ифтонгады фæрцы ахуыртæ цæудзысты æрмæст Цæгат Ирыстоны нæ, фæлæ ма Цæгат Кавказы æмæ Фæскавказы дæр, сæ нымæцы Хуссар Иры дæр", - загъта Цыбырты Алексей.

Ахуыргонд бахахх кодта, мадзæлттæ æххæст кæй æрцæудзысты уæрсейаг гранты фæрæзты рауаджы

Уый ма радзырдта, æввахс рæстæджы Цхинвалы дæр гæнæн ис æмæ фæзына Уæрæсейы зонæдты академийы филиал.

"Уæрæсейы Ахуырады министрад райста Хуссар Ирыстонæй фыстæг, цæмæй Хуссар Иры конд æрцæуа Уæрæсейы зонæдты академийы Дзæуджыхъæуккаг зонадон центры филиал. Ӕцæгæй уый суыдзæн Уæрæсейы зонæдты академийы минæварад. Ацы проект æххæст куы рцæуа, уæд йæ фæрцы Уæрæсейы зонæдты академи бахидзæн Хуссар Ирмæ, уый канд гуманитарон ахуыртæ нæ кæндзæн, фæлæ ма уагдоны бæрны цы ахуырты спектр ис, уыдон уыдзысты Хуссар Иры дæр", - бафтыдта уый.

Æнгæс куырдиат Уæрæсейы зонæдты академимæ арвыста Абхазы Республикæ дæр.

Сӕйраг темӕтӕ