ЦХИНВАЛ, 8 окт – Sputnik, Плиты Фатимæ. Цхинвалы фыццаг хатт банысан кæндзысты сæнæфсиры тыллæджы æрæмбырд кæныны бæрæгбон. Столицæйы æнахуыр мадзал æрфысым кæндзæн Ногдзауты парчы уæвæг сæрдыгон кафе, фехъусын кодтой Sputnik компани "Иронсан"-ы пресс-службæ.
Мадзал аразы æвзонг гуырахстджын сæндуцæн компани "Иронсан" Сӕнаразджыты ассоциацийы эгидæйы бын æмæ Экономикон райрæзты министрад æмархайдæй.
"Мадзалы фæлгæтты ацæудзæн стилизацигонд сæнæфсир дуцыны церемони æмæ чысыл музыкалон нывæзт. Уазджытæн фадат уыдзæн компани "Иронсан" æмæ æндæр бынæттон сæндуцыны продукцийы бафæлварын", - загътой пресс-службæйы.
Организаторты ныхæстæм гæсгæ, уыдон бæрæгбоны фæрцы хъавынц раразмæ кæнын сæнæфсир зайын кæныны хъуыддаг.
"Нæ сæйраг нысан у Хуссар Иры сæнæфсиры куыст райтынг кæнын адæмы хсæн. Ацы аз мах исæм сæнæфсиры тыллæг бынæттон цæрджытæй. Мах фæнды æрбиноныг кæнын европæйаг фæлтæрддзинад, цы ран фермертæ зайын кæнынц сæнæфсир, сæндуцджытæ аразынц сæн, йæ реализаци ис дистрибьюторон компаниты бæрны", - бафтыдтой уым.
Сæнæфсиры тыллæг æрæмбырд кæныны бæрæгбон ацæудзæн 12 октябры.
