"Сабырад Кавказæн": Хуссар Ирæн стыр кад скодтой Адыгейы фестивалы

© Министерство культуры РЮОXX юбилейон æхсæнадæмон фестиваль "Мир Кавказу" Адыгейы
XX юбилейон æхсæнадæмон фестиваль Мир Кавказу Адыгейы - Sputnik Хуссар Ирыстон
Рафыссын
Хуссар Ирыстоны делегацийы сконды уыд 24 адæймаджы, уыдон æнтыстджынæй ралæууыдысты Адыгейы æхсæнадæмон фестивалы

ЦХИНВАЛ, 9 окт – Sputnik. Хуссар Ирыстоны делегаци хайад райста Аивæдты дæсныты XX юбилейон æхсæнадæмон фестиваль "Мир Кавказу"-йы, кæцы ацыд Адыгейы 3-6 октябры. Уый тыххæй Sputnik фехъусын кодта республикæйы культурæйы министрады пресс-службæйы минæвар Элла Авагимова.

Хъуылымбегты Лейла  - Sputnik Хуссар Ирыстон
Хуссар Иры фыццаг хатт ацӕудзӕн авторон зарӕджы фестиваль

Фестивалы хайадисджытæ радтой концерттæ Адыгейы горæттæ æмæ районты. Ирыстоны делегацийæн уыд ралæудтæ Майкопаг районы. Программæйы уыдысты хореографион композицитæ æмæ музыкалон уацмыстæ.

Хаситы Сослан æмæ Лалыты Элина сæххæст кодтой ирон композиторты зарджытæ. Пресс-службæйы куыд банысан кодтой, афтæмæй концертмæ кæсджытæ нал лæууыдысты сæ тыхджын къухæмдзæгъдæй.

Цхинвалы нывгæнæн ахуыргæнæндоны рауагъдонтæ та бавдыстой сæ куыстытæ Кавказы адæмты аивæдты равдысты.

Фестиваль "Мир Кавказу"-йы хайадисджытæ иууылдæр хорзæхджын æрцыдысты Фестивалы Дипломтæ æмæ райстой зæрдылдарæн лæвæрттæ.

Ацы аз æхсæнадæмон фестиваль æрæмбырд кодта Хуссар æмæ Цæгат-Кавказаг федералон зылдты 16 субъекты минæвæртты. Радон фестиваль та ацæудзæн Ростов-на-Донуйы 2020 азы.

Ног хабӕртты лентӕ
0