00:03 10 СУСÆНЫ МÆЙ
 2020
Комкоммӕ эфир
  • EUR80.41
  • USD70.88
Ног хабӕрттӕ
Чысыл дӕнцӕг
16 0 0

Биджелаты Ксения йе ‘мкъайимӕ цӕры Бруклины. Уый радзырдта, куыд бандӕвта CОVID-19 пандеми горӕты цардыл

ЦХИНВАЛ, 30 мар — Sputnik, Хъуылымбегты Азӕмӕт. Америкӕйы ӕрвылбон дӕр фылдӕр кӕны коронавирусӕй фӕрынчынуӕвджытӕ ӕмӕ фӕмардуӕвджыты нымӕц – ацы бӕрӕггӕнӕнтӕм гӕсгӕ бӕстӕ рахызт фыццаг бынатмӕ дунейы. Джон Хопкинсы университеты бӕрӕггӕнӕнтӕм гӕсгӕ, Америкӕйы вирусӕй фӕрынчын сты 143 мин адӕймаджы.

Пандеми фыццаджыдӕр адард кодта адӕмы - цӕрджытӕ хӕсджын сты ӕххӕст кӕнын афтӕ хуыйнӕг социалон дистанци, радзырдта Хуссар Ирӕй ацӕугӕ чызг Биджелаты Ксения, кӕцы ныр ӕрдӕг аз цӕры Нью-Йоркы.

"Ӕз мӕхӕдӕг нӕ дӕн зонгӕ адӕмимӕ, кӕцытӕ фӕрынчын сты коронавирусӕй, кӕд цӕрӕм Бруклины, Манхеттены цур – район, цы ран коронавирусы уавӕр у иууыл уӕззаудӕр, уӕддӕр. Нӕй гӕнӕн цӕуын кӕрӕдзимӕ дыууӕ метрӕй хӕстӕгдӕр. Ахуыр кӕнын райдыдтой хӕдзӕрттӕй. Куыстмӕ цӕуынц ӕрмӕстдӕр полицийы кусджытӕ, дохтыртӕ, афтекты кусджытӕ ӕмӕ хӕлцадон дуканиты уӕйгӕнджытӕ", - радзырдта Ксения.

Йӕ ныхӕстӕм гӕсгӕ, адӕм ӕнцадӕй бадынц, бирӕ волонтертӕ ӕххуыс кӕнынц ӕххуысхъуаг бинонтӕн.

"Бирӕ америкӕйӕгтӕ ӕххуыс кӕнынц вирусӕй бахъахъхъӕныны дзауматӕ балхӕнынӕн. Милуангай адӕм баззадысты ӕнӕ куыстӕй, ӕмӕ нырма бӕрӕг нӕу, карантин кӕд сисдзысты. Президент Трамп дзырд радта, Куадзӕны онг (Америкӕйы йӕ нысан кӕнынц 12 апрелы) карантин сисдзысты штатты фылдӕр хайы, уымӕн ӕмӕ бӕстӕйы экономикӕйӕн ацы уавӕр ӕрхаста стыр зиӕнттӕ, кӕцытӕ гӕнӕн ис абарын Стыр депрессиимӕ", - радзырдта чызг.

  • Бруклин
    Бруклин
    Из личного архива Ксении Биджеловой
  • Бруклин
    Бруклин
    Из личного архива Ксении Биджеловой
  • Бруклин
    Бруклин
    Из личного архива Ксении Биджеловой
  • Бруклин
    Бруклин
    Из личного архива Ксении Биджеловой
  • Бруклин
    Бруклин
    Из личного архива Ксении Биджеловой
  • Бруклин
    Бруклин
    Из личного архива Ксении Биджеловой
1 / 6
Из личного архива Ксении Биджеловой
Бруклин

Ӕнӕниздзинад хъахъхъӕнынады ӕппӕтдунейон организаци 11 марты фехъусын кодта, ног коронавирус COVID-19 кӕй у пандеми.
Дунейы вирусӕй ныридӕгӕн фӕрынчын сты 723 мин адӕймаджы 177 бӕстӕйы, сӕ фылдӕр хайӕн схос кодтой, 34 мин адӕймагӕй фылдӕр фӕмард сты.

Къуырисӕры райсомы бӕрӕггӕнӕнтӕм гӕсгӕ, Уӕрӕсейы коронавирусӕй фӕрынчынуӕвджыты нымӕц у 1 534. COVID-19 вирусӕй фӕмард сты 8 адӕймаджы.

Сӕйраг темӕтӕ