10:44 23 КÆФТЫ МÆЙ
 2020
Комкоммӕ эфир
  • EUR91.36
  • USD77.08
Ног хабӕрттӕ
Чысыл дӕнцӕг
20 0 0

Киноныв "Выжить нельзя погибнуть" фенæн ис компани "Ирмон"-ы каналыл YouTube, дзырд дзы цæуы гуырдзиаг-ирон хæсты рæстæджы фыдыбæстæ хъахъхъæнæджы хъайтардзинадыл æмæ Ирыстоны цардыл

ЦХИНВАЛ, 31 авг — Sputnik, Плиты Фатимæ. Цæгатирыстойнаг кинокомпани "Ирмон" рауагъта Хуссар Ирыстоны 2008 азы августы хæсты тыххæй фильм "Выжить нельзя погибнуть".

Гуырдзиаг-ирон хæсты рæстæджы фыдыбæстæ хъахъхъæнæджы хъайтардзинадыл æмæ Ирыстоны цардыл таурæгъгæнæг киноныв цæуы сахатмæ æввахс.

"Фильм "Выжить нельзя погибнуть"-ыл куыст балхынцъ кодтам æмæ йæм ис бакæсæн. Тынг нæ фæндыд саразын премьерæ кинотеатры, цæмæй фенæм кæсæджы реакци, базонæм сæ хъуыдытæ. Фæлæ сæвзæргæ уавæры тыххæй нæ бантыст уый саразын. Уымæ гæсгæ йын сарæзтам онлайн-премьерæ. Уæ бон у фенат æй кинокомпани "Ирмон"-ы каналыл YouTube. Уый у æххстметражон æнæкоммерцион фильм 2008 азы хæсты тыххæй", - фехъусын кодта Sputnik æвæрæг-режиссер Битарты Ангелина.

Кинематографисттæн исæн фæзуат уыд Цæгат Ирыстон æмæ Хуссар Ир дæр.

Киноныв бацæттæ кодтой Битарты Константины сценариймæ гæсгæ, æвæрæг-оператортæ сты - Мария Нашикина æмæ Мæхъиты Руслан. Актерон къорды сконды сты Тоготы Дауыт, Блу Ариаг, Битаты Роберт, Хъантемырты Борис, Мамиты Григорий, Лохты Олеся æмæ æндæртæ.

Сӕйраг темӕтӕ