Владимир Путин схорзӕхджын кодта Уазиты Махары "УФ адӕмон артисты" номӕй

© Sputnik / Екатерина Чеснокова /  Ахизын медиабанкмæСтыр театр, балет
Стыр театр, балет - Sputnik Хуссар Ирыстон, 1920, 30.03.2021
Рафыссын
Уазиты Махар - советон ӕмӕ уӕрӕсейаг балеты артист, педагог, хореограф. 2016 азӕй фӕстӕмӕ лӕууы Стыр театры балетон труппӕйы сӕргъ

ЦХИНВАЛ, 30 мар — Sputnik. Уӕрӕсейы президент Владимир Путин схорзӕхджын кодта "Уӕрӕсейы Федарцийы Адӕмон артисты" номӕй Стыр театры балетон труппӕйы къухдариуӕггӕнӕг Уазиты Махары. Уый тыххӕй хъусын кӕны 15 регион.

"Ацы цытджын хорзӕх Уазиты Махарӕн лӕвӕрд цӕуы аивады къабазы йӕ бирӕ лӕггӕдты тыххӕй", - дзырдӕуы хъусинаджы.

Бӕстӕйы сӕргълӕууӕджы ӕмбӕлон уынаффӕ мыхуыр ӕрцыд барадон информацийы официалон интернет-порталыл къуырисӕры.

Уазиты Махар - советон ӕмӕ уӕрӕсейаг балеты артист, педагог, хореограф. 2016 азӕй фӕстӕмӕ лӕууы Стыр театры балетон труппӕйы сӕргъ. Райгуырд Цӕгат Ирыстоны, Алагиры. Бирӕ ӕзты дӕргъы уый цард ӕмӕ куыста Италийы, Миланы. Уыд балетон труппӕ "Ла Скала"-йы къухдариуӕггӕнӕг.

Ног хабӕртты лентӕ
0