ЦХИНВАЛ, 11 авг - Sputnik. Режиссер Кира Коволенкойы драмӕ ирон ӕвзагыл "Разжимая кулаки" бацыд Нью-Йоркы 59-ӕм фестивалы сӕйраг программӕмӕ, хъусын кӕны 15-ӕм Регион.
Уый размӕ хъусын кодтой, киноныв кӕй бацыд Торонтойы ӕхсӕнадӕмон кинофестивалы программӕмӕ - Contemporary World Cinema. Афтӕ ма драмӕ райста сӕйраг хорзӕх "Сӕрмагонд цӕстӕнгас" категорийы Канны фестивалы.
Кинонывы дзырд цæуы, трагикъон цауты фæстæ цæгатирыстойнаг шахтерты сахар Мызуры чи æрцард, уыцы бинонтыл. Сюжеты астæумагъз – фыд æмæ йе ‘ртæ сывæллоны ‘хсæн зын æмахастытæ. Лӕгӕн ис дыууӕ фырты ӕмӕ иу чызг, кӕцыты хъомыл кӕны тызмӕгӕй. Йӕ уарзондзинадӕй фыд "хурх" кӕны йӕ чызджы, йӕхицӕй йӕ никуыдӕм уадзы. Чызджы фӕнды алидзын хӕдзарӕй, фӕлӕ фыды амынӕтӕй зын фервӕзӕн у.
