Хуссар Ирыстоны Хетæгкаты Къостайы номыл паддзахадон драмон театры актрисӕ Бекойты Зæринæ радзырдта театралон фестивалы тыххӕй Ульяновскы, цы ран паддзахадон театр равдыста Дзуццаты Тамерланы спектакль "Антигона". Уымæй дарддæр ма æвзонг актрисӕ радзырдта театры нывæзтыты тыххæй дæр.
"Театры сценæйыл æвæрд æрцæудзæн ног комеди ирон кæсæгæн. Нæ кæсæг алы хатт дæр ӕнхъӕлмӕ кӕсы комедимӕ, уымæн æмæ нæ адæм федтой бирæ зындзинæдтæ æмæ сæ нал фæнды уынын трагедитæ, сæ уд агуры циндзинад", - банысан кодта театры актрисӕ.
