Хуссар Ирыстоны Паддзахадон драмон театры театралон сезон æхгæд æрцыд ног комеди "Ӕз ус нæ курын"-æй. Ивгъуыд æнусы 70-æм æзты Годжысаты Исахъы фыст уацмыс æвæрæг-режиссер, Хуссар Ирыстоны адæмон артисткæ Хъæцмæзты Фатимæ рацарæзта ныры дугмæ.
Хъæцмæзты Фатимæ: комеди "Ӕз ус нæ курын" фæцыд кæсджыты зæрдæмæ
"Сезон уыд тынг цыбыр, фæлæ дзы бирæ куыст æрцыд. Кæй зæгъын æй хъæуы, спектакль у уарзондзинады тыххæй, бирæ ногдзинæдтæ дзы ис - æз мæхимæ хæс райстон цæмæй зарджытæ фыст æрцæуой къуыдайрагау", - загъта Хъæцмæзты Фатимæ.
