23:10 01 ХУРХÆТÆНЫ МÆЙ
 2020
Комкоммӕ эфир
  • EUR77.64
  • USD69.71

Харебаты Вадим: рок музыкæ хос кæны цыфæнды низæн дæр

Радио
Чысыл дӕнцӕг
Радио иронау (68)
8510

Легендарон къорд "Бонвæрон"-ы хайадисæг, Хуссар Ирыстоны адæмон артист Харебаты Вадим радзырдта радио Sputnik-ы эфиры, цы уавæрты архайынц рок музыканттæ карантины рæстæджы

Харебаты Вадим: рок музыкæ хос кæны цы фæнды низæн дæр

Рок музыкæ рагæй фæстæмæ у уарзон жанр Ирыстоны. Республикæйы æрвылаз дæр уагъд цæуы рок-фестиваль Iron-Rock, цы ран хайад райсынц Ирыстоны рокертæ. "Бонвæрон"-ы хайадисæг Харебаты Вадим бафиппайтта, зæгъгæ, рок хъæуы удæгасæй цæгъдын, цæмæй адæм æхцондзинад райсой.

Харебаты Вадим йæ интервьюйы радзырдта, ныртæккæ музыканттæ кæй сты къуындæг уавæрты карантины тыххæй, фæлæ уымæ æнæкæсгæйæ алчидæр архайы, цæмæй сæ табугæнджыты зæрдæтæ рæвдауой.

"Мæхи хъуыдымæ гæсгæ тагъд фæнд кæнын ауадзын онлайн-концерт, цы ран азардзынæн æрмæст рок-композицитæ нæ, фæлæ мæ лирикон репертуар дæр", - загъта Вадим.

Ирон рокæн кæй ис рæсугъд сомбон, уый музыканты фидарæй уырны, уый загъта, кæй рæзы,  ацы жанры иронау чи зары, уыдон нымæц.

Рок-фестиваль Iron-Rock ацы аз уыдзæн æви нæ, уый тыххæй Вадим бафиппайдта, хъуыддаг кæй у баст карантинон мадзæлтты фæудимæ. Фæлæ уæддæр ныфс ис æмæ августы кæнæ сентябры мæйы кæй уыдзæн фестиваль.
Музыкант ма ныфс бавæрдта, карантины фæстæ кæй æртымбыл кæндзæн рок-музыкантты æмæ ратдзысты концерт.
"Хъуамæ æртымбыл уæм æмæ азарæм, кæй аирвæзтыстæм тæссаг низæй, уый тыххæй", - балхынцъ кодта Вадим.

Темӕтӕ:
Радио иронау (68)

Сӕйраг темӕтӕ