17:33 28 ТЪÆНДЖЫ МÆЙ
 2021
Комкоммӕ эфир
  • EUR92.13
  • USD76.19

Рукъаг "Пушкин": фелсыр Плиты Александр 60 азы хос кæны цæрджытæн

Радио
Чысыл дӕнцӕг
Радио иронау (123)
12 0 0

Рукъаг дохтыр Плиты Александр радио Sputnik Хуссар Ирыстоны радзырдта, куыд равзæрста фелсыры професси, уый тыххæй

Рукъаг фелсыр Плиты Александр: иунæг лæппу уыдтæн курсы

Хуссар Ирыстоны стæм адæм ис, Ручъы цæрæг фелсыр Плиты Александры чи нæ зоны. Фæсномыгæй ма йæ хонынц Пушкин. Уый 60 азы кусы Урстуалгомы фелсырæй. Александр куыд радзырдта, уымæ гæсгæ уый каст фæци Сталиниры фелсыры факультет.

"Уыцы аз бакодтой Сталиниры фелсыры хайад. Уырдæм мæ куы бакодтой, уæд кæугæ дæр фæкодтон, иууылдæр дзы чызджытæ ахуыр кодта, æз иунæг лæппу уыдтæн", - радзырдта Александр.

Йæ ныхæстæм гæсгæ, уый ахуыры фæстæ арвыстой Дзомагъмæ кусынмæ медицинон пунктгæсæй æмæ дзы фæкуыста 3 азы. Уыцы рæстæджы хъæуы уыд 55 хæдзары.

"Уый фæстæ мæ ракодтой нæхимæ Рукъмæ, уыд дзы рынчындон, фæлæ дзы дохтыр нæ уыд. Ничи куымдта уырдæм уавæрты тыххæй, уымæн æмæ иу дзы зымæг мит 2 метрæй къаддæр нæ уарыд", - банысан кодта фелсыр.

Плиты Александр (Пушкин) радзырдта, цы уавæрты куыста, уый тыххæй. Ныр дæр уыцы комы Александр у иунæг дохтыр æмæ йæ куысты æмгъуыд у 60 азы.

Лæмбынæгдæр хъусут аудиоæрмæджы.

Темӕтӕ:
Радио иронау (123)

Сӕйраг темӕтӕ