Техты Уасил: актер цӕрӕнбонты йӕхиуыл хъуамӕ куса
Актеры дӕсныйад курдиатӕй дарддӕр домы бирӕ куыст, нымайы адӕмон артист Тъехты Уасил. Уый банысан кодта, зӕгъгӕ, актер хъуамӕ цӕрӕнбонты куса йӕхиуыл.
"Актеры професси ахӕм у, ӕмӕ цӕрӕнбонты хъуамӕ кӕнай дӕхиуыл кусгӕ алы хуызы дӕр - зарынӕй, кафынӕй, сценӕйыл куыд ӕзмӕлын хъӕуы, ныхас кӕнын куыд хъӕуы - уыдоныл иууылдӕр хъӕуы кусын", - загъта Уасил Шалвайы фырт.
Артисты хъуыдымӕ гӕсгӕ, актеры професийӕн ӕрмӕст курдиат фаг нӕу.
"Кӕй зӕгъын хъӕуы, курдиат дӕр тынг ахсджиаг у, фӕлӕ куыннӕ куса уыцы курдиат, уӕд дзы ницы рауайдзӕн", - бафиппайдта уый.
Адӕмон артист куыд балхынцъ кодта, уымӕ гӕсгӕ актеры дӕсныйады иууыл стырдӕр курдиат у куыстуарзондзинад.
