04:37 16 ЦЫППУРСЫ МÆЙ 2018
Комкоммӕ эфир
  • EUR75.39
  • USD66.43
Цхинвалы уынгтæ: цалынмæ миты хур нæ батайын кæна

Цхинвалы уынгтæ: цалынмæ миты хур нæ батайын кæна

© Sputnik / Диана Козаева
Репортажтӕ
Чысыл дӕнцӕг
37 0 0

Цхинвайлаг тротуартыл ис ссарæн митæй сыгъдæг æрмæстдæр асфальты чысыл "сакъадахтæ"

ЦХИНВАЛ, 2 фев — Sputnik, Козаты Диана. Хуссарирыстойнаг столицæйы цæрджыты катайы баппæрста Цхинвалы уынгты уавæр митуарды фæстæ. Фæндæгтыл мит батад машинæйы цæлхыты æмæ хуры тынты бын, тротуартæ та нырма дæр сты ихын цъарæй æмбæрзт.

Зымæг Хуссар Ирыстоны рæстæгæй рæстæгмæ бацæуы йæ барты. Мит цы цхинвайлæгтæ рымысынц, уыдон "ракæлынц" уынгтæм, цæмæй сулæфой сыгъдæг уæлдæф æмæ банкъарой къæхты бын миты хъыррыст. Цины æнкъарæнтæ фæтары вæййынц фæстæдæр бонты, куы сæ бахъæуы бырынцъаг тротуартыл рацу-бацу кæнын, уæд.

Проспект Алана Джиоева
© Sputnik / Диана Козаева
Цхинвалы уынгтæ: цалынмæ миты хур нæ батайын кæна
Горæты цæрæг Мæргъиты Ирина райсомæй акодта йæ сывæллæтты сабидонмæ. Йæ ныхæстæм гæсгæ, сывæллæттæн ихын фæндæгтыл цæуын тынг æхсызгон у, фæлæ йæхæдæг цины æнкъарæнтæ нæ бавзæрста – ихыл цæуын æнцон нæу.

"Цæугæ нæ кæныс, фæлæ быргæ. Ӕз нырма æвзонг дæн æмæ мын æнцондæрдæр у. Фæлæ уынгтыл цæуынц хистæр кары адæм… Кæй зæгъын æй хъæуы, райгонд нæ дæн, уымæн æмæ кæцыдæр бынæттæ бынтондæр сыгъдæг нæ цæуынц. Уынгмæрзджытæ дæр нæ кусынц. Нæ уыд гæнæн уынгтæ митæй асыгъдæг кæнын цалынмæ нæ ныссалд, уæдмæ?!" – загъта уый.

Чи фæкæлы бырынцъаг тротуартыл, уыцы цхинвайлæгтæ сыстынц æмæ дарддæр ацæуынц. Фæлæ йæ бон сыстын кæмæн не ′свæййы, уыдонæн баххуыс кæнынц цæуджытæ, хаттæй хатт сын бахъæуы тагъд æххуысы службæмæ дзурын. Уым та хостæ, хæрдзтæ – иууылдæр зианбаййафæджы дзыппæй.

Улица Московская
© Sputnik / Диана Козаева
Цхинвалы уынгтæ: цалынмæ миты хур нæ батайын кæна

"Мах сахуыр стæм алцыдæр быхсын. Фæлæ-иу зианбаййафджытæ куы бахъаст кæниккой коммуналон, кæнæ æндæр бæрнон службæтыл тæрхондонмæ, уæд сын ахæм æнæмæт ахаст нал уаид сæ хæстæм", — æнæдызæрдыг у Цхинвалы цæрæг Арсен.

Иу амондæн ацы бонты ницы зиан æрцыд. Республикон рынчындоны райсæн хайады Sputnik фехъусын кодтой, иу адæймаг дæр ацы бонты кæй не ′рбацыд ихыл фæбырынæй травмæимæ.

Горæты мэрияйы пресс-службæйы Sputnik загътой, уынгтæ иууылдæр кæй ныссыгъдæг кодтой, науæд та сыгъдæг цæуынц.

Чизоны мах фæрæдыдыстæм æмæ æндæр горæты администрацимæ фæдзырдтам?

Проспект Алана Джиоева
© Sputnik / Диана Козаева
Цхинвалы уынгтæ: цалынмæ миты хур нæ батайын кæна

Сӕйраг темӕтӕ