09:17 19 ДЖЕОРГУЫБАЙЫ МÆЙ
 2019
Комкоммӕ эфир
  • EUR70.53
  • USD63.75
Физонæджы кæрт

Хæрзад хæлц æмæ диссаджы æфсапъæ: Физонæджы кæрт куыд "зивæггæнаг" æфсинты ирвæзынгæнæг

© Sputnik / Наталья Айриян
Репортажтӕ
Чысыл дӕнцӕг
55 0 0

Ног гъæдджын продукт, æрхонгæ æфсапъæтæ æмæ хæрзад хæринаджы руаджы "Шашлычный двор"-ыл "сбадт" популярон хæрæндоны ном

ЦХИНВАЛ, 24 окт — Sputnik, Плиты Фатимæ. Хуссар Ирыстоны столицæйы тагъд хæлцады хызæг цырд темпты сæтты базарады ацы фадыг. Ӕрвылбон Цхинвалы "Шашлычный двор" суазæг кæны мингай адæймæгты кафейы, уымæй дарддæр сихортæ апарахат вæййынц уагдæттыл æмæ "зивæггæнаг" æфсинтыл.

Ацы хæрæндоны æртæ пункты æдæппæтæй кусы 17 адæймаджы, æрвылбон уыдон аходæн аразынц 1500 адæймагæн æппæт Хуссар Ирыстоны.

Шашлычный дворик
© Sputnik / Наталья Айриян
Физонæджы кæрт

Кафеты хызæг амалиуæггæнæг Мамиты Инга Цхинвалы бакодта æртæ азы размæ, уæд столицæйы Джиоты Аланы проспектыл мидæггагон кæрты фæзынд цæттæ хæринаджы къæбиц "Мангал". Уырдыгæй клиенттæм хæццæ кодтой цæттæ хæринæгтæ. Сæ аходæнты табугæнджыты нымæц куыд рæзт, афтæ амалиуæггæнæг аскъуыддзаг кодта "Мангал"-ы фарсмæ бакæнын чысыл кафе "Шашлычный двор". Уый фæстæ та фæзынд вокзалгæрон территорийыл хæрæндон.

"Фыццаг къæбиц Харебаты Исахъы уынгыл кæрты кæй уыд, уымæ гæсгæ сфæнд кодтой уый "Физонæджы кæрт" схонын. Уый фæстæ ацы ном æрфидар æмæ вокзалгæроны кафе дæр хуыйны афтæ", - радзырдта кафеты хызæджы администратор Алла.

Ӕрвылбон дæр вокзалгæрон фæзуаты хæрæндоны уазджыты нымæц нæ къаддæр кæны, ам кæд адæм сæрибарæй змæлынц, уæд къæбицмæ бахизын та у тобæгонд. Ам хицæуттæ сты æфсапъæтæ, ис сын сæхи сæрмагонд уæлæдарæс.

Острый нож - визитная карточка повара
© Sputnik / Наталья Айриян
Физонæджы кæрт

Сæ куысты дæсныты амалиуæггæнæг æрхуыдта фæсарæнтæй.

"Хæдзармæ бахæсгæ заказтæ дæр нæм бирæ цæуы, фæлæ нæ клиентты егъау хайæн лæггад кæнæм ам бынаты", - зæгъы кафейы кусæг Годжыцаты Саида.

Кафейы хæринаг фылдæр бæрцæй арæзт цæуы фыдызгъæлæй, уый та амалиуæггæнджытæ æвзарынц æрласгæ.

"Нæ хæринаг иууылдæр аразæм æрласгæ фыдызгъæлæй. Ифтонг нæ кæнынц ацы фадыджы Цхинвалы дыууæ егъау дукани "Мясной дом" æмæ "Свежее мясо". Æрласгæ фыд та уымæн æвзарæм æмæ уый у фæлмæндæр æмæ æнцон фыцæн", - загъта администратор Алла.

Кушать подано!
© Sputnik / Наталья Айриян
Физонæджы кæрт

Уый нымайы, се 'нтысты сусæгдзинад ма хæрзад хæринагæй дарддæр кæй у сæ хорз гъæд дæр.

"Кусæгон бон райдайы ног продукты æлхæдæй, фыдызгъæлы "кæрдо" дыккаг бонмæ нæ уадзæм, æцæг зайгæ дæр нæ кæны, иу ран куы фæцух вæййы, уæд аннæ кафе æххуысмæ тагъд кæны. Мæйы фыццаг бонты нæм вæййы æнæкæрон заказтæ, уæлдай активон сæхи дарынц уæрæсейаг æфсæддонтæ", - бафтыдта уый.

Сырный соус - лучший друг наггетса
© Sputnik / Наталья Айриян
Физонæджы кæрт

"Шашлычный двор"-ы къæбицы фысымтæ сты æрхонгæ специалисттæ. Итæг хорз мызд, цæрыны уавæртæ æмæ йæ уарзон хъуыддагæй архайыны фадат "æрсайдтой" Дыгургомæй профессионал хæринагаразæг Никъолты Юрийы.

"Ӕртæ азы бæрц ам дæн. Банхъардтой мын цæрæн бынат, хорз мызд æмæ куыстæн уавæртæ. Ирыстоны зæххыл кусын æмæ мæхи уазæгуаты не 'нкъарын. Цхинвалы размæ бирæ горæтты фæкуыстон: Сыктывкар, Воронеж, Мæскуы æмæ æндæрты. Ис мæм ацы хаххыл дыууæ уæлдæр ахуырады", - радзырдта Юрий.

Фæстаг къуыри "Шашлычный двор" йæ куысты бахаста ногдзинæдтæ – кафе ныр цæттæ хæринаг хæццæ кæны сæумæрайсомæй æхсæв дыууæ сахатмæ.

"Вокзалгæрон кафе нырæй фæстæмæ кусы æддæмæ хæсгæ клиенттæн райсом фараст сахатæй æхсæв дыууæмæ. Нæ хорздзинæдтæй иу ма у - нæ уагдоны нæй тамако дымыны бар æмæ нæм нæй карз нозттæ, æрмæст гъæдджын æмæ хæрзад хæринаг. Уазджытæн вæййы æрмæстдæр иу фæндиаг – wi-fi баиу кæнын", - балхынцъ кодта администратор Алла.

  • Физонæджы кæрт
    Физонæджы кæрт
    © Sputnik / Наталья Айриян
  • Физонæджы кæрт
    Физонæджы кæрт
    © Sputnik / Наталья Айриян
  • Физонæджы кæрт
    Физонæджы кæрт
    © Sputnik / Наталья Айриян
  • Физонæджы кæрт
    Физонæджы кæрт
    © Sputnik / Наталья Айриян
1 / 4
© Sputnik / Наталья Айриян
Физонæджы кæрт

Сӕйраг темӕтӕ